Gudbrandsdølen
Denne slåtten er frå ei noteoppskrift i Hardingfeleverket, kjelda er Mattis Kleppen frå Sauland, oppskrivar er Eivind Groven. I kommentaren til noteoppskrifta i Hardingfeleverket står det: "Groven lærde slåtten 1920, og skreiv han ned 1955 etter minnet. Heddalsform." Det er fleire Mattis Kleppen i Sauland, men truleg er det Matias M. Tinne Kleppen (1869-1942) som er kjelda til denne og tre andre slåttar i Hardingfeleverket. Han var oppvaksen på Tinne i Heddal, og kanskje lærte han slåtten av ein spelemann der.
Sjølv om det finst over 1000 noteoppskrifter i Hardingfeleverket, var det sjølvsagt mange fine slåtteformer det ikkje var plass til i det store sjubindsverket. Når Groven hadde høyrt slåttemotiv han syntest var spesielt fine og særeigne, kunne han ta dei med i oppskrifta med andre spelemenn med ei stjerne: "*Eilev Smedal byrja slåtten slik." Det har han gjort i denne oppskrifta, og eg har tatt med dette fine taket, og sett det til slutt i slåtten.
Sjølv om det finst over 1000 noteoppskrifter i Hardingfeleverket, var det sjølvsagt mange fine slåtteformer det ikkje var plass til i det store sjubindsverket. Når Groven hadde høyrt slåttemotiv han syntest var spesielt fine og særeigne, kunne han ta dei med i oppskrifta med andre spelemenn med ei stjerne: "*Eilev Smedal byrja slåtten slik." Det har han gjort i denne oppskrifta, og eg har tatt med dette fine taket, og sett det til slutt i slåtten.
