Tru på Torgon

Denne springaren har nummer 481d i Hardingfeleverket, og kjelda er Jon Kolbjørnsrud. Oppskrivar er Eivind Groven. Slåtten er altså ein variant av Kolsrud-Springar, som òg er ei form etter Jon Kolbjørnsrud, og som òg er spelt inn i dette prosjektet. I kommentaren til oppskrifta står det: Etter Jon Kolbjørnsrud, Heddal, Telemark. G. 436, 1922. Torgon = kvinnenamn. Stev: "Tru på Torgon, du skal få liggja med meg kvar einaste morgon"." I den handskrivne originalnota har Groven skrive opp slåttestevet i tillegg til slåtten, og innspelinga opnar med dette stevet.